რა რეაქცია ჰქონდა მეგან მარკლის მამას, როდესაც გაიგო, რომ შვილმა იმსობიარა

ბრიტანეთის სამეფო ოჯახის მეშვიდე მემკვიდრის დაბადებამ მილიონობით ადამიანი გაახარა მთელი მსოფლიოს მასშტაბით, თუმცა, საინტერესოა, რას ფიქრობს ახალშობილის ბაბუა, მეგან მარკლის მამა თომას მარკლი, რომელიც საკუთარი პიარის გამო ქალიშვილის გამუდმებით უწყობდა პროვოკაციებს და ხმაურიან განცხადებებს აკეთებდა.

შვილიშვილის შეძენასთან დაკავშირებით მან გამოცემა Daily Mail-ს კომენტარი მისცა:

"მიხარია, რომ დედაც და ბავშვიც თავს კარგად გრძნობს. ვამაყობ იმით, რომ ჩემი შვილიშვილი ბრიტანეთის სამეფო ოჯახის წევრია. დარწმუნებული ვარ, რომ ის ამ ტიტულს სიამაყით ატარებს და თავის ქვეყანასა და ხალხს ისე მოემსახურება, როგორც სამეფო ოჯახის წევრს შეშვენის. ღმერთმა დალოცოს პატარა, მე კი მას ჯანმრთელობასა და ბედნიერებას ვუსურვებ. ვულოცავ ჩემს საყვარელ ქალიშვილს მეგანს და მის მეუღლეს, პრინც ჰარის. ღმერთმა დალოცოს დედოფალი" - განაცხადა თომას მარკლმა.

შეგახსენებთ, რომ მეგან მარკლის მამამ არა ერთი ხმაურიანი და ნეგატიური განცხადება გაავრცელა საკუთარ ქალიშვილზე და ამბობდა, რომ მან სახელისა და დიდების გამო საკუთარ ოჯახზე უარი თქვა. თავად მეგანმა ამ განცხადებებზე გულახდლად ისაუბრა და თქვა, რომ საკუთარ მამაზე ყოველთვის ზრუნავდა, მან კი ურთთიერთობის ასეთი ფორმა აირჩია და ქალიშვილს ტაბლოიდებით მიმართავდა.