გიორგი ქისტაურმა სახელი გადაირქვა და უკვე დიდი ხანია ლიზა ქისტაური გახდა. რამდენიმე ხნის წინ ის სოციალურ ქსელში წერდა, რომ გააკეთებდა საკუთარ არხს და გვესაუბრებოდა მის ცხოვრებაზე და ზოგადად ცხოვრებისეულ თემებზე.

გუშინ პირველად გამოჩნდა მის მიერ ატვირთული ვიდეო წარწერით მე ტრანსგენდერი ვარ. 

„ბევრი ფიქრის შემდეგ, პირველი ვიდეო. მაპატიეთ შეცდომებისთვის და დაბნეულობისთვის, მართლა ახლიდან დაწყების ტოლფასი იყო ეს ყველაფერი ჩემთვის, ამიტომ ცოტას ვნერვიულობდი.

თუ მოგეწონებათ ჩემი ვიდეოები და ვნახავ რომ გაინტერესებთ და უყურებთ, აუცილებლად მომეცემა სტიმული იმისა, რომ კამერის ხარისხიდან დაწყებული, ნერვიულობით დამთავრებული გამოვასწორო.

მაინტერესებს თქვენი აზრი, ყველასი.

რაც მთავარია, ვიდეოში მაქსიმალურად შევეცადე თქვენთვის გასაგებ ენაზე ამეხსნა ყველა დეტალი“, - წერს გიორგი-ლიზა ქისტაური.