რა უნდა გავაკეთოთ თუკი ღამით არ გვეძინება - ამის შემდეგ დაწოლიდან 5 წუთში ჩაგეძინებათ

ინსომნია, ეს ძილთან დაკავშირებული პრობლემებია. ინსომნიის დროს ადამიანი უუნარო ხდება დაძინების მიმართ, არ შეუძლია ძილი. ყოველივე ცხოვრების ჩვეული რიტმის დარღვევას იწვევს და სხვადასხვა დაავადების წარმოშობას განაპირობებს.

ძილის გარეშე ორგანიზმი ხდება მოდუნებული, უენერგიო და ადამიანს არაფრის გაკეთება აღარ შეუძლია. ადამიანს ემართება უმადობა, გონება ვეღარ მუშაობს ჩვეული რიტმით, უჭირს ინფორმაციების გადამუშავება.

გთავაზობთ ფსიქოლოგების რჩევებს, როგორ უნდა მოიქცეთ იმ შემთხვევაში, თუ უძილობა გაწუხებთ:

1. ნუ წახვალთ დასაძინებლად ადრე - ადამიანების უმეტესობა, რომლებსაც ინსომნია აწუხებთ, დასაძინებლად ძალიან ადრე მიდიან. სინამდვილეში არ ეძინებათ. ეს ჩვევა, როგორც წესი, ინსომნიას აყალიბებს და ძილთან დაკავშირებულ პრობლემებს წარმოშობს.


2. ნუ დაიძინებთ სხვადასხვა დროს - შედეგად, შინაგანი საათის მუშაობა ირღვევა. ორგანიზმი ვეღარ იგებს, როდის არის ძილის დრო და ძილთან დაკავშირებული პრობლემები ჩნდება. ამიტომ სცადეთ, რომ ერთსა და იმავე დროს დაიძინოთ.


3. ნუ მიიღებთ დიდი რაოდენობით კოფეინს - ვიცით, რომ კოფეინის საშუალებით დღის განმავლობაში ენერგიას ინარჩუნებთ და ეს უკეთ მუშაობაში გეხმარებათ, მაგრამ კოფეინის დიდი დოზის მიღების შემთხვევაში, ძილთან დაკავშირებული პრობლემები წარმოიქმნება. ექსპერტების განმარტებით, დღის განმავლობაში მხოლოდ 3 ფინჯანი ყავის მირთმევაა დასაშვები.


4. ნუ დაითვლით საათებს - ჩვენ ხშირად გვირჩევენ, რომ დღე-ღამის განმავლობაში მინიმუმ 8 საათი უნდა გვეძინოს. რეალურად, ყველა ადამიანის შემთხვევაში ძილის საათები ინდივიდუალურია, ხოლო ამ საათების თვლა ნერვულ სისტემაზე ცუდად მოქმედებს, იწვევს ფსქოლოგიურ პრობლემებს, რასაც საბოლოოდ უძილობამდე მივყავართ. საათების თვლას უფრო მეტად ნეგატიური გავლენა აქვს.

5. გამორთეთ ციფრული მოწყობილობები - თუ საწოლშიც არ უშვებთ ხელიდან ტელეფონს, „სქროლავთ“ სოციალურ ქსელებს, ეს პრობლემებს შეგიქმნით. თუ მშვიდი ძილი გსურთ, პირველ რიგში, ძილის წინ ციფრული მოწყობილობები გამორთეთ.


6. შუაღამით ფეხზე ნუ ადგებით - ზოგ ადამიანს სჩვევია შუაღამით ადგომა და მუშაობა, ან რაიმე სხვა საქმით დაკავება. რეალურად, მსგავს ჩვევას ინსომნიამდე მიჰყავხართ. ძილს ნურაფრის გამო ნუ გაიტეხთ.


7. გვიანობამდე რაიმე საქმით დაკავება - ადამიანების ნაწილს უჭირს შუალედის პოვნა. ზოგი ძალიან ადრე იძინებს, ზოგიც ძალიან გვიან. როგორც ადრე, ასევე ძალიან გვიან დაძინებაც ძილის პრობლემებს იწვევს. თუ ღამით ხშირად დადიხართ გასართობად, ან ვიდეო თამაშებით ხართ დაკავებული და მხოლოდ გამთენიისას მიდიხართ დასაძინებლად, ეს, რა თქმა უნდა, ძილთან დაკავშირებულ პრობლემებამდე მიგიყვანთ.


8. შეწყვიტეთ საათის კონტროლი და მისი წიკწიკის მოსმენა - ეს ერთ-ერთი ყველაზე ცუდი ჩვევაა, რომელსაც უძილობამდე მიჰყავხართ. შეეშვით გამუდმებით საათის შემოწმებას. შეგიძლიათ, საძინებლიდან საერთოდ გაიტანოთ ის. თუ ყოველ წამს აკონტროლებთ, ეს ფსიქოლოგიურ პრობლემებამდე და ინსომნიამდე მიგიყვანთ.